Posts

METSÜ KEZEI GEIZO

Metsü kezei chükelie zenu, Nou mvüya shie chüterhü rükra; Terhü chü tsu mia ra liezuo nu. Mia zhü lhoushü ze te huvuo-o Hie zhü lhoushü hie neiü rükra Ze telie lho bou shü tsükhe chü, Mia lievimia khetsu mo lozi. Merü kelho khe ketsu nhie we, Sede nia tsü semhoushü mia khie; Mia khiera nu mha nedo mehei: Zotuo dinu larü ü akhru. No rü tsu mo di keba ha se, Avu hi zo rünou thatie nhie. Tsiezhü vo kho cha meluora nu, Pfhetshü shüphrei pfhe meluo-o de. Hie neiunuo ü dzie tsü dinu, Dzieyie puo tsü rüya sie zu li, Keshü ha rei sieunuo rüli Hie neuunuo kegeimia sünuo Thuo di-o phi mho di-o pema, Zo pie zhü di hie neiu sü gei. Hie neiu sia mia razou mho chü, Sie vo kinu u vatho kerhe, Kemomia thuo nie rüli rükra Kenienuo we di rübeiya shi? Kenienuo thuo luo la ziya shie, Luo latuo ü rachü mocaü, Terhuomianuo nouluoprü se'rü, Dzürü nu shü cükelie lanu; Luo laya shie ruo zi mia neiu.
Post a Comment
Read more

THENU NIE WE GEIZO

THENU NIE WE  Thenu nie we kemhie jüvuo-o, Thepfu a zha kezie nie rüsa; Lerütuo mu hie we nie rie prei. Nie nupfunuo chüketuomianie, Mia thuo dzare mia cü la kelie Lerütuo mu a se hie sieu. Menyiepyonuo sei bodi gei ba. Ciethie pou ro thecie puo rhe chü. Liehuvuo-o thenumia rüli, Ciethie pa ro thecie puo pie ze Keta sie sü ra kethotolo.
Post a Comment
Read more

Avu neihu geizo

Avu nei hu keri nyücau, U kinumia mo zo u die rhe Molie idi so kesipfü rha. A tsü derei no ha khapie se Mia kehaü chü a ro sievü. U ramianie khruonyi nyi-o nyi, Hie pie wepfü kenienuo ki vo, Kezha nhie we sieunuo lerü Kegie shüphrei hie zü pie kelhou. Nie nuo za ü suo chü di sievü; A thuo a nou vikemo üse: Zevokhrienuo tholie ü izo. Cüzie meluo keviu depie, Hie pieünuo vo khashü dinu, Nie kethau ketso üliro. A vie ü hie kenienuo lhikhrü Keviewaluo a nei kerüü.
Post a Comment
Read more

A kesuoü geizo

A kesuoü geizo A kesuoü sie vo thenupfü, Sou chülie mu liemou a se nu Ketsu nhie we teinuo kesisie, Mehü thesü loziko pfhe he; Zo vor mu zo sie a khou vü. Tsiezhü sie vo a kethau tso, Kemo chalie hara tuo thienyü Nha mezü rho cha meluo nu kha, Zo zhütuo mu hatsa tsurüluo; Kezha ki we kenienuo pie chü Kesuo we jü lhou'rü huvuo-o.
Post a Comment
Read more

Khrieü geizo

                     Khrieü geizo Khrüpra metsei vü te nie geizie, Rüso ba di tsoke'rü nhie we Hie pie ciethie thenyhü moluolie; Zo ba mo di zo sie mia pfhekho Nie puo nie zuo rachü nie penyhü, Kezeira mu dzü di nie cha kha Bayielie mu chüterhü rie prei; 'Verü mo mu suo tuo mo nhiemu, Tuo di khunhie 'veke'rü nhie we, Ki kenyü ü kharü shü vaya Kitiera tha nie jülei the tshie, Kiluora shü va rüso kezhü; N the lerü' n phou kenyü krei; Tolo tenyü khrieü lerüluo. Zu luo merhe nie puonuo hie li, Kho chükeshü pfülie mvü dinu, Mhichü rüzhü pfü nie zuo zhü gei; Kezhü duü nie nienuo lerü, Thepfu rei jü thenu puo rübei, Pa'züpfü puo nei puo mede; Kemo puo sü suorüsuo chünyi. A nie die we chü rünouvuo-o, A puo die we chü rünou mo shü; A zuo nou suo a puo noune chü.
Post a Comment
Read more

Color kekreicüko

Black - Tei Blue  - Loshü Brown - Teimezie Dark    - Zei Green  - Pejo Indigo  - Teiloshü Orange - Houmou keme zie Purple   - Meriemege Red.      - mere White  - kra Yellow - mehe
Post a Comment
Read more

Chatha

North - Pesotsa South - Pekhrotsa East    - Niathutsa West  - Niakratsa
Post a Comment
Read more